長條@尖沙咀

我都已經好耐冇攞過部 Horizon 出嚟玩。想當年，一個相機袋三部相機，輕而易舉。但如今，相機袋變成奶粉袋，一部 GX100 都厭重。所以 Horizon 都逃唔過封塵嘅命運。

因為佢嘅機械結構，雖然已經放咗入防潮箱，我都有擔心過會唔郁。上星期六見有個空檔，天氣又好喎，於是就攞部機出去玩下啦。

玩具相機，如 Horizon，最麻煩嘅地方就係冇測光。我自己經驗不足，對眼又未進化到可以用嚟測光，加上我做人又要好準確喎，所以都會靠測光錶或另一部有測光嘅相機。

今次喺尖沙咀影一堆，過海又玩兩張。Horizon 鏡頭橫掃眼前景象嘅一刻有莫名嘅興奮（變態…）。而最刺激，莫過於晒完相，有相睇嘅時候。每次都有唔同嘅驚喜。我愛 Horizon！

~ Lindberg


P.S. 都係見大家今日都講影相，我又講埋一份咋。嘻嘻…