香蕉盒

果王秘密武器：香蕉盒（$39.90）！

其實一早就知有啲咁嘅野，起初覺得好低能。邊到需要啲咁嘅野。但自從家中多咗個果王之後，我地就經常要隨身攜帶生果。但香蕉喺毫無保護之下，喺個背囊入面撞嚟撞去，搞到又瘀又爛。有時放喺個膠袋入面耐咗，仲焗到熟鬼晒。所以我地買個盒嚟試下。

個盒除咗有保護作用之外，仲有通氣孔，唔驚焗住條蕉。生果會釋放乙烯（Ethylene），一種令生果加快成熟嘅物質。如果焗住啲乙烯，啲生果就好快熟。

但請注意，因為形狀所限，可能一梳蕉，只有一兩條啱放。其他就唯有喺屋企食啦… 哈哈！



~ Lindberg