我們的孫兒

有一晚，幫 Jayson 按摩完之後，他跟我說… 「爸爸，我好鐘意您俾我粒玉呀。」

「係呀？爸爸由細戴到大㗎啦。咁您要好好保管佢，第二時就俾您個 Baby 啦。」我回答說。

「我個 Baby 叫咩名呀？」

「您個 Baby 梗係您自己改啦。跟我哋姓咪得囉。」

「咁叫「安兒」啦。」

「吓？」難忍心中的雀躍，我不禁笑了出來。「「安兒」？您有同學仔叫呢個名咩？」

「唔係呀…」

「咁呢個名邊到嚟㗎？」莫非是那隻奶粉牌子的廣告？！

「我自己諗嗰囉…」

「「安兒」好好聽呀。」心裡突然感到很溫暖。「等爸爸幫您記住佢，第二時提番您啦。咁… 安兒係男仔定女仔？」

「我都唔知喎…」

哈哈哈… 很期待那一日的來臨。希望不用等得太久，但亦不能太早呀！！！



~ Lindberg