如果電梯壞咗…

有一天，當我們在婆婆家等待乘升降機的時候，Jayson 問：「爸爸，我有個問題…」

 「您問啦！」

 「如果呢… 如果部𨋢壞咗，我哋點樣可以落到地下？」

 「嗯… 我有兩個方法。不如您都諗下啦。」

讓他想了一回，我便說：「好啦，我講第一個方法先啦。我哋可以行樓梯落樓。得唔得呀？咁您又有冇第二個方法？」

他回答說：「有… 不過好搞笑。」自己笑了一回之後說：「我哋可以等到第二朝先番屋企。」

我忍不住笑著說：「呢個的確係一個方法，但就消極啲囉。果然係好搞笑呀。哈哈哈…」

Jayson 每天都會問我們一兩個認真的問題。那天，他問我水喉的水是從那裡來。我由水從海面蒸發開始，逐步解釋給他知道。但另一晚，我偷聽到他問媽咪同一個問題。難道對我的答案不滿意乎？！莫非要由氫氣和氧氣開始？！



~ Lindberg