往大海的另一邊去

尋日帶孩子父王和母后過大海，去玩大人的遊戲。哈！二佬也跟我們一齊去。

落船已經是十二點。原本想帶佢地去食蟹粥。我問媽媽要唔要先食午飯。佢話唔肚餓。好明顯有別的比食飯更重要。

行程先到新萄京，再戰永利。新萄京的酒店還在建設中，只有賭場開業。地方都幾大，但裝修感覺有點似金沙。轉個頭，媽媽已經開始「活動」。我就同二佬四圍行。我先入一百試運，當然唔得啦。跟住為咗試下大佬上次的攻略，我入五百。一入便有氣息。二佬有見及此，當然跟啦。最後，唉…

之後好鬼肚餓，因為我連早餐都無食過。上二樓有麵食，又唔錯喎，不過都成五十蚊一碗，都幾貴。

食野仲有表演睇。勁！

食飽飽，二佬話玩大細。竟然收覆不少失地。佢話俾我聽買乜，然後叫我落注。自己無膽睇就走到老遠去。激死！

（其實我自己好細膽，但係只要一認真，即使硬著頭皮，都會去做。）

之後我問佢去咗邊，佢話個場中間有粒大蛋。佢走咗去拜佢喎。都幾靈呀。哈！

媽媽贏咗小小。爸爸好似唔係好好景。轉移陣地，去咗永利。

又係一轉眼，媽媽已經開工。我又同二佬四圍行。心諗，仲有兩三個鐘先走，無理由唔玩嫁… 點知… 唉…

忽然記起中七同班同學第一次來澳門唱嘅歌：

輸完又賭過…
贏完又嚟輸突。

不過無所謂啦。都係陪爸媽嚟玩之嘛。

之後發現呢日運氣真係麻麻。用六十蚊扭蛋都扭唔到我想要嘅野。扭到一對米老鼠，仲要俾姪女搶埋。唉…



~ Lindberg