記得前一排去日本食串燒，忍唔住叫咗一杯。好好好好味呀！啲泡好滑。應該係我有印象以來，最好味嘅一杯。
我覺得飲（啤）酒好睇場合、環境、食物、同心情。坐係個火爐前食串燒，成個人熱辣辣，一啖冰凍嘅啤酒沖落去，正呀！
浸住溫泉飲又係好正。可能個人熱，啲味覺特別敏感，所以杯啤酒都會覺得甜美啲。
一大班朋友一齊玩，飲少少酒，放鬆神經，笑大聲啲，唔係唔好呀。
不過早兩日見阿 wingwing 問：「酒真的是可以麻醉傷痛嗎 ? 」我唔覺得會得囉。
http://siuwingwing.mysinablog.com/index.php?op=ViewArticle&articleId=560691
如果你可以飲到以後唔醒，或者飲到失憶，咁我又無野好講。不過我唔會建議你試囉。
但係如果有幾位知己一齊，又唔同講法喎。飲一兩杯，放鬆一下，將平時收埋收埋唔敢同人講嘅傷痛，一次過吐晒出嚟。你喊一聲：你仲好掛住佢，佢講一句：對方原來係男人。將啲唔開心嘅野放低晒，功得無量 （好似無乜關係…）。大家都係到尋找一個出口，出到嚟咪好囉。
願我可以學會放低你
作詞：黃偉文 作曲：徐偉賢 編曲：何秉舜@Goomusic/英師傅
任我出去任我飛 遊蕩兩日又重踏這地
沒有牽掛就會死 難道我靈魂被你收起
自己都管不了自己 太多錯誤經已因你起
我都知 再找你 連幸福都要放棄
其實你有多好 到別處碰不到 至令我重返這條路
臨近晚節不保 卻行到這一步 難道天空海闊再無芳草
＊願我可以學會放低你 就讓我重頭來過物色新知己
望著你的臉如山水一般優美 要走的我總企在原地
願我可以絕到踢走你 但是我如何能拒絕張開的臂
自問我可以贏你但喜歡輸給你 猶像你親於我自己
我怎可以 一刀切下來 親手傷你＊
其實你有多好 到別處碰不到 美麗到危險的程度
臨近晚節不保 卻行到這一步 沿路的山丘已化成焦土
REPEAT＊
我只可以將心割下來 親手給你隻歌好似又無乜關係。是但啦。哈！
不過又唔好飲得太多喎！一來，第二日會頭痛；二來，都唔記得自己講過乜，咁又有乜用呢。哈哈！
~ Lindberg
沒有留言:
張貼留言