攝影 之 醜陋的另一面

近排睇 Can 個網誌，一邊睇，就一邊俾人話。

「你睇人地影個女影得幾靚呀！Jayson 就冇啦。仲話寫教人影相，寫個鬼呀。」

良心發現之下，又真係好少認認真真去搵位影 Jayson。通常都係賴屋企冇地方，轉唔到身。有見及此，又見朝早有啲陽光入屋，於是就攞番部相機影下相。都算係咁啦。

Ardy 問我點解啲髮尾唔夠銳利。其實係我 Canon 支 DO 鏡嘅缺點，就係：「見光死」。支鏡有啲入光嘅問題。不過都算係咁啦。

影哩張相嘅時候，其實係有一個極之醜陋嘅另一面…

注意：以下照片會令人情緒不安。

原本都唔想放出嚟。不過我覺得真係幾好笑，所以想犧牲一下自己，希望大家有得笑下。

一個著住睡衣嘅男人，瞓係個貓廁所隔離，個孝順女仲要跳入去開大。可想而之，想影一張靚相，真係要付出代價。嘩哈哈哈哈…

不過冇辦法啦。想影小朋友，就一定要同佢地同一個水平。如果我地懶，企係到影，影人個頭頂就唔好睇啦。

為咗平伏一下大家不安嘅心情。放多兩張似樣啲嘅相出嚟先。

「爸爸，影到我流口水啦！醜怪死啦。邊到有人鐘意喎。不過等我幫您放多啲電先！十萬伏特！」

「Jayson，您幾時做咗比卡超㗎？」

~ Lindberg