上頭記

我覺得可以參加朋友嘅婚禮係一件好開心嘅事，因為有人當自己係朋友。而除咗可以「參加」之外，可以「參與」就更加係一種榮幸。今次 Elma 姑姑結婚，搵 Jayson 媽做「好命婆」幫佢上頭，真係令我地喜出望外。

其實我地都唔係太清楚「好命婆」嘅定義。只知要年長（一啲 ）、父母健在、有小朋友之類。而 Elma 姑姑屋企係信奉天主教，但又想跟番啲中國人傳統，所以唔跟到十足都唔係太介意。最緊要開心啦。所以我代 Jayson 媽一口答應。

婚禮前一晚，我地全家上咗 Elma 姑姑屋企。當時已經九點幾，我地都有啲擔心 Jayson 會發爛。好彩只係怕醜，冇傻喊。

「姑姑屋企又大又靚。等我熟習下環境先！」

Elma 姑姑叫我一定帶 Jayson 上嚟，因為佢媽媽好鐘意 Jayson。原來 Elma 嘅媽媽係我嘅忠實讀者，言談間，我絕對相信佢比嫲嫲更熟悉 Jayson，所以叫一聲契婆婆都唔會那過。

原本上頭應該十一點過後，但因為 Elma 姑姑唔想我地太夜，所以提早舉行。上頭嘅用具，有一包套裝可以買，而且有使用指示。非常方便！

而我就好努力地「想」去影相。但影來影去都影唔到，因為有人抽我地後腿…

「爸爸，好多人睇住您地做乜呀？」

如果 Jayson 唔係怕醜，可以跟住其他人，我就起碼可以影下正面啦。失敗…

有好多親友嚟圍觀，顫顫驚驚嘅 Jayson 媽就開始為 Elma 姑姑上頭。「一梳梳到尾…」

我地心裡面都不停祝福佢，希望佢地結婚後，開開心心。而見到契婆婆咁鐘意 Jayson，就應該快啲生番個啦！呵呵呵呵…

~ Lindberg