傻傻地諗起JA，忽然自問自答。
問: 點解覺得自己做到Business Advisor?答: 做咗咁多年嘢，兼係創業型，自己又o甘多道理，點都有啲嘢同啲同學分享呱。
問: JA有無出人工俾Business Advisors?
答: 一個仙都無。仲要自己貼錢同好多時間。
問: 咁做嚟做乜？
答: 作育英才。Errr... 自己講都有o的唔係好信。想做到少少嘢得到啲滿足感。
問: 點解揀依家間中學？
答: 點指兵兵。
問: 最怕學生什麼?
答: 最怕學生隱形，有問題唔出聲。同埋當自己係阿Sir。
問: 最希望學生做到啲乜？
答: 得到獎故之然係開心。但係只要佢地覺得無浪費咗呢十八個星期已經好好。
問: 過去幾個禮拜中有無啲有趣嘢？
答: 都唔知係唔係有趣。同佢地喺MSN講笑，就以為我話鬼佢地。嚇死佢地之餘仲嚇死我！唔好當我係阿Sir先啦。玩吓之嘛。仲有頭兩個星期等佢地覆email，重緊張過乜。無時無刻check 住 email。返工一定無咁落力。精神差啲分裂！
問: 自己有無乜嘢體會?
答: 雖然只係過咗三個禮拜，但係自己都已經學到好多嘢。至少確認o左自己係中文文盲。試想象一下呢編嘢超過一半係用Yahoo!字典打出來。死未？仲有點同啲十𡃁歲去溝通，原來自己已經唔係十靚歲啦。灰...
問: 餘下來的十多個禮拜，有乜想做？
答: 唔想俾太多壓力俾佢地，盡量俾佢地自主啲。個遊戲始終都係佢地嘅。自己有幾多咪教幾多，盡量享受。雖然都唔係識咗好耐，但係已經有啲掛住佢地。希望完咗之後佢地仲記得有兩個咁嘅Business Advisors (好個一隻)。
~ Lindberg
沒有留言:
張貼留言