遙遠的豬扒米

一般人唔會去嘅地方，通常都會有非一般嘅好野。（唔好問係乜野道理…）Jayson 媽呢日帶我到「香港大學何鴻燊體育中心」，據稱呢到有好好味嘅豬排米。

其實 Jayson 媽耐唔耐都會同班同事嚟呢到食。對於大部份人嚟講，地點唔多就腳，要去都幾麻煩。想當年同鄧生（即熙爸）一齊去嗰到游水，雖然個池好正，不過一隻手都數得出去過幾多次。仲每次游完之後上小巴，都俾司機鬧到七彩，話我地個身好陣大氯氣味。

View Larger Map
要做到一碗好味嘅豬扒米，首先，當然要睇下塊豬扒。豬扒同米粉分開上，令到豬扒嘅味道唔會被沖淡。塊豬扒除咗有豬味同唔韌之外，仲醃得好有味。米粉配幾條生菜，即使我好肚餓，都可以食得飽飽。一碗賣$22（如果冇記錯…）。

雖然只係一個小食亭，環境非常唔錯。Jayson 媽仲話附近有好多貓嘅影蹤添。

小貼士：如果自己揸車去，可以同看更話嚟食野。如果唔係撞啱有乜特別活動舉行，都會入到去嘅。



~ Lindberg