朗文英文故事共讀課程：超鼠系列（二）

前文提到有網友送咗兩套《Super Mice Series 超鼠系列》俾 Jayson 試讀。入面有隻 VCD，起初我都有啲抗拒播俾佢睇。因為覺得佢會覺得好悶。但我近排發現，真係唔好覺得小朋友覺得會點。唔試過真係唔知。

以下繼續回答網友想我同大家分享嘅問題：

4) 在使用 Super Mice Series 的短短日子裡，小朋友有什麼顯著得着?
我地每晚大概九點半返到屋企。通常都會俾佢玩一陣，或者睇一陣書。其實屋企都有好多書，但 Jayson 有時都會要我地同佢睇《超鼠系列》，咁至少有興趣啦。

最直接嘅得益，當然係三語嘅正確發音。但因為 Jayson 掌握 Tonal Language 幾好，就連廣東話都好有高低起伏，所以見唔到英語有乜顯著進步。而且我地唔係成日播㗎嘛，好難有咩即時見效。對呢個年齡嘅小朋友，平衡發展先係最重要。

而唔同嘅題材，亦見到佢嘅幫助。例如利用《Let's Make a Zoo》，都可以培養下佢嘅想像力。

5) 你會否推介 Super Mice Series 給其他家長使用。
咁即係首先要講，如果要自己俾錢買，我會唔會買。老實講，如果我未睇過呢本書，我未必會買。原因好簡單，因為佢話係俾五至八歲㗎嘛！但玩過之後，都係嗰句：深淺自己決定。對於年紀比較輕嘅小朋友，重點可以放喺書中嘅故事，和所圍繞嘅學習範疇。大個啲嘅小朋友，就可以學習下其中嘅三語。以我所見，三至八歲嘅小朋友都適用。

但如果冇《超鼠系列》，又有冇其他野可以代替呢？我之前真係比較少接觸呢類型嘅書。買來買去都係故事書，活動書等。所以都唔知原來有啲咁嘅野。網友話呢套野，會喺嚟緊書展賣 $118 一套。咁都諗得過。

6) 透過這次體驗，會否對朗文英語學習教材更加有信心?
之前都提過，對郎文嘅感覺，一直都係好教科書。但睇過整套書嘅配套之後，除咗覺得質素非常唔錯之外，Jayson 亦表現得好有興趣。如果下次再接觸到朗文嘅其他英語學習教材，都會用心睇一睇。

7) 在未來日子，會否想進一步了解其他朗文英語學習教材。
會。

8) 家長對哪類型的教材較有興趣?
語文方面，下一步應該係 Phonics。識講唔識讀，豈不是文盲！我自己唔識 Phonics，以前只係學過查字典嘅 IPA（International Phonetic Alphabet）。到時 Jayson 就可以教下我呢個文盲喇。哈！



~ Lindberg