愛上講道理

這一個月來，我們發現 Jayson 再沒好似以前一樣，失控地大吵大鬧，甚至打人。亦開始可以跟他講道理。

例如有一晚，他去完大便（現在會自己抹便便了！）洗完手之後，我叫他不如「順便」刷牙。平時媽媽要他刷牙，通常到最後都要放棄，等他玩過夠才自動自覺去刷牙。但這晚…
「唔刷牙…」如我所料，那已是他的標準台詞。我用大腿頂住他後退之路。

「Jayson，順便刷咗牙先啦。」

「唔刷牙…要玩呀…」開始扭喊和坐在木椅上。但我仍然阻著他後退之路。

「刷咗牙，咪即刻有得玩囉！爸爸應承您，您要爸爸陪您玩乜都得。」

「唔刷牙…要玩呀…」我同自己講，我不可以洩氣。

「既然您都入咗嚟，刷咗先啦。」

「我唔刷牙先呀。洗手，然後出去玩，然後刷牙，然後瞓覺。」竟然跟我說條件。但我知道，放虎歸山，必定沒有好結果（而事實亦是如此…）。所以我繼續堅持。

「Jayson, listen!  Look at papa…」跟 Jayson 講說話，我經常要求他望實我雙眼。否則，我知道他是聽不入耳的。「Jayson，您依家唔刷，一陣都要刷㗎啦。不如依家刷，一陣咪可以一口氣咁玩囉！係唔係呀？刷咗牙先好唔好？」

「好…。」然後笑著站起來，拿起牙膏擠到牙刷上。而我便以鼓勵和讚賞作回報，兩父子歡天喜地刷牙去。

另一方面，我亦發現可以利用 Jayson 的「四仔」追求完美的特質。每晚回家，我們都鬥快除鞋，和把鞋放入鞋櫃裡。通常我們都會故意讓他贏，但有一天，媽媽實在等得太耐了。「媽媽今日第一，Jayson 得第二。」聽了這句之後，Jayson 立即豪哭，說要做第一。但我們跟他說，那已經太遲了，明天快一點吧。但現在還可以鬥快去洗手，看看誰是第一。聽了這句之後，便像火箭般衝入廁所洗手。

因此，我漸漸愛上跟 Jayson 講道理。但當然，好景不常。很多時都還是要屈服在這位二少的臭脾氣之下。

~ Lindberg