Jayson 唔多需要熱身，但唔係好理會啲姐姐。唉… 但因為近排佢玩 T2-3D，所以我哋都冇佢乎。
Crocs 嘅姐姐首先向我哋介紹佢哋嘅新產品。雖然 Jayson 都有三對 Crocs 嘅鞋，但我哋對佢都冇乜認識。聽聞佢啱腳型，又見幾方便，於是就叫做人著我著啦。原來 Crocs 嘅出發點都幾「高檔次」喎。佢所用嘅物料，喺俾啲人上游艇，鞋底唔怕甩色整污漕架船。嘩…
姐姐都好醒目。為咗安撫班小朋友，攞出一大碗 Jibbitz 俾啲小朋友玩。咁講野嘅時候，就唔怕小朋友叫救命啦。
Jibbitz 可以插入隻 Crocs 入面，除咗係裝飾之外，仲有識別嘅作用。去到泳池學游水，都唔怕同其他小朋友嘅鞋掉亂啦。
新款鞋中，有類似 Converse 嘅款式，好適合大人著。而同 Converse 嘅最大分別，係輕…超輕。
如果 Rick Riordan 喺寫 《Percy Jackson - The Lightning Thief》之前見到呢對鞋，Percy Jackson 著嗰對 Converse 一定變咗 Crocs。對鞋輕到難以致信，Jayson 媽攞咗幾次上手，回眸報以一個必買嘅表情。
之後係主角 Duet。相對舊款「一舊膠」，Duet 變咗「兩舊」。底膠硬，有保護作用。面膠軟，有舒適感覺。
摸上手，有好明顯嘅分別。雖然冇舊鞋喺手作比較，新鞋個面真係軟好多。相信會幾好著。
產品介紹完，就係遊戲時間啦。Kawai 姐姐教我哋用 Jibbitz 整飾物。
（待續…）
~ Lindberg
對convese款crocs幾靚喎!! 其實重生之後, 我見佢地鞋款都靚左, 冬天有款小童boots我想買, 點知之後有時間帶mavis去時就冇左... 夏季有mavis鍾意既叮噹公仔crocs, 打算都入返對俾佢夏天去游水著, 不過唔知仲有冇更多選擇, 所以都係遲少少先去買。
回覆刪除
回覆刪除可以試下對 Duet。應該幾好著。
哲哲都係crocs粉絲, 你睇佢地綠色膠鞋著完唔arm著都要買返一模一樣但大size就知啦...
回覆刪除話時話crocs真係掂, 就算著到勁dirty, 洗一洗就好似新咁. 期待佢地有新款!!
回覆刪除哎呀。如果佢哋搵埋妳去玩就好啦。
我次次行過crocs千色店個counter都一定摸下佢啲鞋仔，因為佢又靚又得意，今年我一正要買對比Anson先得！
回覆刪除
回覆刪除順便自己都整對啦！
Crocs係好方便,米b都有對粉紅色,但唔知點解佢著親黎跑都好容易PK.希望新鞋可以改良呢一點.
回覆刪除
回覆刪除當 Jayson 著某啲鞋會跌倒，我發現係提腳唔夠高。如果鞋鬆加鞋頭大，問題可能會勁啲。對新鞋個面比較軟，我估會好跑啲。
連Converse款都撈埋!真係越嚟越多款
回覆刪除
回覆刪除尋日同 Converse 比較過。真係輕幾百萬倍！
我係converse fans, 想知係咪真係咁正先? 有冇大人款架?
回覆刪除
回覆刪除就係有大人款！雖然貴過 Converse，舒適程度真係物有所值。去睇下啦！
耶~~~ 你又魔鬼上身呀???
回覆刪除Lindberg :
就係有大人款！雖然貴過 Converse，舒適程度真係物有所值。去睇下啦！
回覆刪除呵呵呵呵呵…
T2-3D...咁有冇4同5架?
回覆刪除唔緊要啦,小朋友係咁有性格啦^.^
我覺得嗰日jayson好乖喎,坐响樹聽咁耐都冇扭計,瀅瀅响隔離嘈嘈閉佢都冇嫌棄,仲幫佢執返啲嘢添,真係乖仔^v^
回覆刪除瀅瀅邊有嘈嘈閉呀。大家都玩得好斯文呀。好彩有妳哋咋，先玩得咁盡情。嘻嘻…