我當司機的日子…

呢排每日揸車番公，開始對港島區每日嘅交通情況較為熟悉。我發現好多時條行車線會慢，唔係真係因為塞車，而係因為啲懶快嘅司機為咗走捷徑，不停切線。

我就唔會亂切線，只會一早揀定最好嘅行車線。其實都唔會差好遠。朝早半個鐘可以由太古到薄扶林，再半個鐘就由薄扶林返到銅鑼灣。如果所有司機都乖乖地，相信會更快。

我仲發現如果一開車，發生一啲唔「老嚟」嘅野，同一件唔「老嚟」嘅事情就會成日發生。例如如果一出停車場，見到啲行人亂過馬路，成日都會遇到亂過馬路嘅行人。一出車遇著「白日夢」司機，就成日都俾啲「白日夢」司機頂住晒。

尋日又係咁。開頭見啲的士司機開車開得好狼，左串右插。行多一段路就見三架抄埋一齊。夜晚又有一條好多架抄埋一碟。

大家小心啲啦。



~ Lindberg