尋晚又去聽產前講座。真係一聽一驚心…
終於講到初生嬰兒護理同常見疾病。個醫生講得好悶，但係出奇地無瞓著。好彩無瞓著…前面有位準爸爸，全程自己掛住睇雜誌。水泡媽話，咁嚟有乜意思呢。如果我好似佢咁，一個字…「死」。
講到初生嬰兒護理就有趣得多。姑娘講得非常生動，而且有好多經驗分享。換片同我前幾日發夢做嘅差唔多。到時一屋細路（計埋兩隻貓）嘅大小二便都係我處理。大鑊…
跟住我越聽就越驚。好似好多野都未準備好。屋企已經無裝修，大掃除又未做。原來仲有一大堆日用品未買！好驚！
下堂到沖涼。有實習！仲驚！
好驚阿仔會早出世…
水泡仔…唔該您生生性性，係阿媽入面留到嗰日先好出嚟。您突然間出嚟會嚇死我地嫁。人地話係阿媽入面一日，好過出嚟一個月。乖乖地啦！
~ Lindberg
吓~ 你仲有什麼未買呀! 暈!
回覆刪除另, 想問 Panasonic Lumix DMC-FZ18 同 Fujifilm Finepix S8000fd, 你會選那部? 買去北海道影相呀! Thanks!
唔駛驚~~一d都唔困難。俾信心自己喇~
回覆刪除哎呀我第一次見你呢個大男人咁滕雞架哈哈..其實我明ge.俾著我係你仲驚多十倍, 驚係好事黎架, 證明你緊張水泡仔怕"臭"得唔好丫嘛!
回覆刪除慢慢黎啦.話哂第一次wor.你呀放假之後好拿拿臨執屋呀大掃除呀買哂要買既野啦.到時無片換你食左佢呀哈哈哈!!!
如果我得閒 我一定又去上下堂學下點臭BB.嘻.
井蛙 :
回覆刪除吓~ 你仲有什麼未買呀! 暈!
另, 想問 Panasonic Lumix DMC-FZ18 同 Fujifilm Finepix S8000fd, 你會選那部? 買去北海道影相呀! Thanks!
妳都買咗啦！Sorry！我實在太遲覆啦。因為尋晚做節… 不過妳無買錯！快啲去影相啦！
好多野未買呀！今晚吉之島感謝日去掃貨。抹「羅友」嘅綿花啦、尿片啦、「花士檸」啦、細面盤啦、…
救命！！！
治療師 :
回覆刪除唔駛驚~~一d都唔困難。俾信心自己喇~
可能生咗出嚟會無咁驚啦…依家好似真係打到埋嚟咁。
sica :
回覆刪除哎呀我第一次見你呢個大男人咁滕雞架哈哈..其實我明ge.俾著我係你仲驚多十倍, 驚係好事黎架, 證明你緊張水泡仔怕"臭"得唔好丫嘛!
慢慢黎啦.話哂第一次wor.你呀放假之後好拿拿臨執屋呀大掃除呀買哂要買既野啦.到時無片換你食左佢呀哈哈哈!!!
如果我得閒 我一定又去上下堂學下點臭BB.嘻.
妳好核突呀妳！
咁滕滕吓，會唔會真係變咗隻雞嫁？咁我咪可以同鴨做朋友囉？哈！
唔好謄, 十一月頭仲有時間準備呀 !
回覆刪除到了十月就差不多了，會隨時出世呀 !
wingwing :
回覆刪除唔好謄, 十一月頭仲有時間準備呀 !
到了十月就差不多了，會隨時出世呀 !
隨時出世？！妳唔好嚇我啦！我已經好驚嫁啦。
據我統計﹐第一胎多數會提早﹑生仔的又會早D。我就早左14日。
回覆刪除你都係拿拿臨做好準備﹐首先搞好BB張床先。佢一出世就會好"LEI HAIR" o架喇。仲有要洗晒d BB衫先。有MUG唔明打比我地問啦!
39周開刀嗎?事先提醒你﹐叫水泡媽鋪張防水墊在床上﹐萬一突然穿水都唔洗掉o左張床褥呀!
熙媽 :
回覆刪除據我統計﹐第一胎多數會提早﹑生仔的又會早D。我就早左14日。
你都係拿拿臨做好準備﹐首先搞好BB張床先。佢一出世就會好"LEI HAIR" o架喇。仲有要洗晒d BB衫先。有MUG唔明打比我地問啦!
39周開刀嗎?事先提醒你﹐叫水泡媽鋪張防水墊在床上﹐萬一突然穿水都唔洗掉o左張床褥呀!
係呀。預咗第39周開刀。妳唔好嚇我呀。好似妳咁37/38周，我個心臟頂唔順嫁！
今晚裝床，星期日洗衫。頭都暈！！！