一闊三大

首先睇下以下兩張相，睇下有乜唔同。

其實我都希望「某人」睇唔到有咩分別。但可惜我竟然唔記得毀屍滅迹，冇掉到個盒！失敗…

因為買咗部 Panasonic ZS3 拍高清短片，需要大容量嘅儲存。但我一向都唔鐘意用碟去燒錄。因為以我嘅經驗，好多時都攞唔番。所以安全起見，都係用硬碟好。但硬碟都會有死嘅一日。所以，以經濟效益為基本，兩隻硬碟行 RAID1 就安全得多。RAID1 嘅意思，係兩隻或以上嘅硬碟，互作映像（mirror）。如果死咗一隻碟，換咗佢就得。因為大家擁有共同嘅資料，所以唔怕有野會唔見。

（右邊嗰隻係我原本已經有嘅外置硬碟，俾我部 iMac 當 Time Machine 用。即時備份，安全至上！）

Lacie 呢隻 2big quadra，內有兩隻 1G 嘅硬碟。除非兩隻碟同時損壞，咁就神仙都難救。所以可靠性都好高。如果放未經壓縮嘅影片，大約可以放 20 個小時嘅影片。壓縮嘅，大概有 50 小時。雖然好似唔係好多，但以我拍片嘅份量，睇怕都應該頂到好幾年。 $2,800 買一個安心，抵呀！



~ Lindberg