感動時刻

我這份工作的其中一個好處，就是每日可以跟 Jayson 於婆婆那裡吃午飯。這天下午，我差不多吃完飯時，他跟我說：

「爸爸，我一陣幫您㩒𨋢呀。」

「係？！一陣你要送我去搭𨋢呀？咁您要快啲食多幾啖飯啦。」我幫他補充說。

「係呀。我孝順您呀。」

聽到這一句，真的淚如泉湧。他開始明白甚麼是「孝順」了！

雖然 Jayson 近來真的叫人非常勞氣，但有時的說話卻真的叫人很感動。昨晚，我跟 Jayson 媽有點口角。他見媽咪有點不高興，就走去跟她說：「媽咪，您做乜唔開心呀？妳唔好唔開心啦。我氹番您開心啦。」然後抱著媽咪的面不停地吻。唉… 我覺得自己在家中的地位越來越少…

最近，他又突然提起多了哥哥。其實我們已經很少在他面前談到威的事。

「爸爸食飯，媽咪食飯，哥哥食飯…」

「…」

「哥哥呢？」

「喺您後面囉。」

他望向後面的鏡櫃，問道：「佢會唔會食飯㗎？」

「您有心叫佢食，佢一定會食。」我回答道。

之後，他便默默的吃飯。我倆也不禁濕了眼角。



~ Lindberg