自制蛋白杏仁餅乾 Macaroon

Jayson 好鐘意食 Macaroon。不過呢啲貴嘢，只會喺自助餐先有機會食。曾經研究過自己整，但處理啲材料實在太過麻煩，所以都冇認真嘗試過。直至俾我搵到呢盒嘢…

做法其實真係唔算難，但需要技巧及耐性。即使有啲小秘技，例如蛋白要放過夜先打等等，唔識做都可以做得似模似樣。

而最重要係一盒咁嘅嘢可以一家人一齊玩，非常之抵！

最高難度嘅環節，就係要瀄落盤。力度要平均之餘，最尾一下要收得清脆利落。咁先可以做到大少勻一，表面不會起伏不平。如果分別太大，焗起上嚟就會唔平均喇。

不過即使瀄得唔係太好，問題亦不大。等面部風乾之後就可以攞去焗。

焗起咗之後，就係我哋常見嘅 Macaroon 樣。見到焗爐入面，一個個咁升起，大家都感到非常興奮！

焗完之後就等佢灘凍。之後每片中間塗上白朱古力醬，就可以食得。

粉紅色係士多啤梨味，綠色係開心果味。味道非常唔錯，外脆內軟。一盒可以做二十個，仲可以有剩入袋送俾人添！非常值得一試！

~ Lindberg