我們屋苑後面,是一個行山的勝地。周末的行山人士,更是駱驛不絕。上年跟 Jayson 行過兩次之後,說要把握這個機會,跟他做多點運動和呼吸一下新鮮空氣。誰知一等,便等了一年有多…
前個星期天,見天色不錯,去完學琴之後,回家做了一個輕便午餐。原先我想帶上山吃,但 Jayson 媽怕漢堡包凍了不好吃,所以吃完才出發。
行山除了可以觀賞大自然環境,亦是談心的好時候。Jayson 跟我說:
「爸爸,第二時我生個小朋友俾您陪佢玩呀!」
「好呀!好呀!好呀!」我哭著回應說。
樹木研習徑很容易行,邊行邊玩,兩個小時左右已經行畢全程。
沿途還有一些健身設施。這個可以讓我們拉拉腳筋。
這個是我的極限…
「媽咪,我有個方法!等我教您。咦…呀…」
原來用來拉頸也可以… (很想錫落去…)
落山的時候,我們見到一隻很長毛的北京狗。明明小狗有自己的名字,但 Jayson 卻替牠改了別一個名,由山頂追到山腳,不停呼叫著牠的新名:「Beetsu」。
「Jayson,佢個名點串㗎?」我好奇地問。
「Boyysee…」他回答說。
果然活到老學到老,原來「Boyysee」是讀成「Beetsu」的。
幸好有這隻小狗 Jayson 才能夠堅持自己行落山,否則如果要我抱的話…後果不堪設想。
~ Lindberg
"Boyysee"...呢個名咁特別, 不過都唔奇, 依家小朋友d名好多都唔識讀, 唔知係唔係自己拼出黎架呢
回覆刪除
回覆刪除佢由山頭嗌到落山腳,搞到我哋都唔知好嬲定好笑… 哈哈哈…
果然活到老學到老,咁追小狗時有冇喊GOGOGOGOGOGO?
回覆刪除XDDD
回覆刪除哈哈哈… 妳果然有我咁低能!嗌「GOGOGO」嗰個當然係我啦!
你個漢堡不錯WOH! 我也試試這樣整早餐給仔仔先, 他可能會喜歡呢!
回覆刪除
回覆刪除係時候推介我新玩具… 麵包機!
下次call埋mavis一齊丫唔該~
回覆刪除
回覆刪除好!但我哋好即興喎… 好天就行人。