續命神水

個標題好似講得誇張咗啲。近排公司個個都病，全部病徵一樣，好明顯係感冒一個傳一個。好彩我前排放假，先可以避過呢場「浩劫」。但係「瘟疫」未有停止嘅蹟象。好幾個同事已經係第二轉染病。因為我唔可以病，所以只好狂飲維他命C，希望可以增強抵抗力。

呢支 Suntory C.C. Lemon，一支有1400毫克嘅維他命C。佢話足足有70粒檸檬咁多！（食咁多檸檬真係大吉利是…）

我上網睇過，每日正常汲取量好似係100毫克左右。有文章話如果傷風一起，可以食到2300毫克！會對傷風有幫助。但係佢係話傷風，而我覺得我班同事患嘅係感冒。不過我飲咗又好似得喎。再加每日一碗野葛菜水，隔晚食多一粒1000毫克維他命C，同埋飲好多好多水，好似仲頂得住。

但係資料話，其實維他命C食到盡，個身體每日都只係吸收得四五百毫克，再多都係多餘。食得多仲有機會肚瀉，同埋個胃會唔舒服。所以都係唔好亂食啦。感冒都係飲多啲水同多啲休息就真！



~ Lindberg