一機兩制

今日好黑仔。一返到公司見部電腦怪怪地，於是就 reboot 一次。一 reboot 就見到個藍色畫面，識電腦嘅人都知呢個叫做「Blue Screen of Death」，故名思意…死機！

開頭以為隻硬碟死咗，忍痛重新裝過個 Windows。原本都得得地，但係後尾先發現死底版。於是打電話俾郭生問一問，答案係無藥可救。

無電腦用，都唔知坐係到做乜好。曾經諗過攞張紙出嚟寫個 database 嘅 schema，但係呢啲野都係諗下好啦。我同郭生都覺得咁嘅情況下應該返屋企休息。而最後我真係返咗屋企，不過係攞部 Macbook 返公司用。

其實我大部份時間都係用電郵同 Excel，所以用 Mac 或 PC 都無乜關系。但係問題就在我要用 Microsoft Access 同個 PC 嘅會計程式，無 PC 又唔得。好彩我有 Parallels！Parallels 係可以俾你係 Mac OS 入面開個 Windows 出嚟。而我公司枱頭有個22吋螢光幕，正好用嚟做 Macbook 嘅第二螢光幕。第一螢光幕做 Mac OS，第二螢光幕做 Windows。速度都算可以接受，好似仲好過我以前部 PC！型呀！

聽日擺位擺好啲，插隻 keyboard 同 mouse 落部 Macbook，咁就真係一機兩制，一部機當兩部機用啦。哈哈哈！（可惜我只得兩隻手…）

~ Lindberg