傷風定感冒呢？

早前因為喉嚨唔舒服，不停咳嗽。怕係傷風感冒，會傳染到 Jayson 或 Jayson 媽，於是就及早去睇醫生。醫生話可能係傷風，又可能係感冒。因為我太早去睇，症狀未出齊，好難斷症。見我話屋企有BB，就開晒抗生素同流感藥過我。原本我都好唔鐘意食抗生素，但為咗唔想傳染其他人無辦法啦。

除咗隻抗生素，隻流感藥原來係用口吸服，我都從未試過。醫生親身示範一次，佢又真係吸入去喎！之後睇番說明書，隻藥有少少似有病醫病，無病強身。如果無打流感針，都可以頂得一下。不過佢當然寫話唔建議啦。

好似少少病，要食咁多藥好似好誇張。不過食完三日藥之後又真係好似好番晒喎！希望唔好再病啦…



~ Lindberg