原來大肚婆搭地鐵，真係無人會讓座！
其實唔係話香港人無愛心，我覺得只不過係漠不關心。
兩三個月前返工時，係地鐵上遇到朋友。佢見我地兩個企係到，問點解大肚婆會無人讓座。其實我地都無所謂啦。當時個肚又唔係好大，而且前排興著大肚婆衫，可能人地怕讓錯位就唔好意思啦。不過企係到架車行下停下，都有小小危險。
依家雖然揸車返工，不過一個星期總有一兩日揸唔到，要搭地鐵。水泡媽個肚冬瓜咁大，都無人理。唉…
我覺得啲人唔係話無愛心。只不過車廂入面每個一人，睇報紙嘅報紙，打機嘅打機，瞓覺嘅瞓覺。對身邊嘅人同事都漠不關心。亦都可能係早上嘅關係，大家未瞓醒啦。唉…
推己及人，愛屋及烏。
~ Lindberg
P.S. 水泡媽返埋下星期三就開始放產假啦。好緊張呀！
我写简体会乱码吗？
回覆刪除其实很多地方的人
都会有这样的 “冷漠”
越会有这样的情况
因为
钢筋城市
水泥森林~~
lethe :
回覆刪除我写简体会乱码吗？
其实很多地方的人
都会有这样的 “冷漠”
越会有这样的情况
因为
钢筋城市
水泥森林~~
沒有亂碼，看得到。
可能我係希望只有香港人係咁，其他地方會好啲。唔希望知道全世界都係咁冷漠。唉…
不過起碼我知道，身邊嘅朋友都唔係咁，就安慰啲。
突然間令我想起一套我很喜歡的電影，叫《Pay it forward》。如果每個人都能夠為身邊的人做小小野，世界就會美好得多。
先申報一下,我係大肚婆, 七個月.
回覆刪除讓座喎, 可遇不可求. 通常一星期都會有一日撞啱有人讓坐.
至於巴士, 聽其他準媽媽講, 唔駛諗添呀~
新香港人, 算把啦...
can :
回覆刪除先申報一下,我係大肚婆, 七個月.
讓座喎, 可遇不可求. 通常一星期都會有一日撞啱有人讓坐.
至於巴士, 聽其他準媽媽講, 唔駛諗添呀~
新香港人, 算把啦...
七個月啦？恭喜恭喜！
我都申報一下，我係大肚佬，同個大肚婆食足九個月！但係我個肚就點生都生唔出。唉…
吓! 蛙一定讓喎! 不過, 蛙見女人多數會位讓囉! 男人真係極少! :p
回覆刪除井蛙 :
回覆刪除吓! 蛙一定讓喎! 不過, 蛙見女人多數會位讓囉! 男人真係極少! :p
我成日四圍望，所以我都會嘅。嘻…
都話我識得嘅都係好人啦！
講開又講!真係一肚火!
回覆刪除上個星期搭地鐵﹐我地推住o架BB車,到站準備落車﹐點知門一開﹐外面D人就唔理三七二十一咁衝入o黎﹐我地係無辦法出到去﹐呢個時候熙爸就好大聲咁叫D人"唔該借借"﹐
點知有個阿"襌"講左句:"你o架BB車好大咩"﹐聽完真係想鬧翻佢, 不過推住個熟睡的阿B就無為同佢嘈嗟.
香港人!香港開始終有你!
熙媽 :
回覆刪除講開又講!真係一肚火!
好灰喎！我可以想像到熙姊爸個樣。不過都可能係同胞累事。上星期咁多國內遊客呀。
其實我地中國人唔係成日話自己有美德，識得：「禮、義、廉、恥」咩？去晒邊到呢？
清醒下啦香港人！
我一見到就會讓位呀 ! 不過有次好好笑,我著件蛙蛙衫, 居然有個靚仔讓位比我呀 !哈哈 ！
回覆刪除wingwing :
回覆刪除我一見到就會讓位呀 ! 不過有次好好笑,我著件蛙蛙衫, 居然有個靚仔讓位比我呀 !哈哈 ！
出事，讓錯位！不過靚仔就無所謂啦。哈！