樂意餐廳Louis 係一間香港本地老牌子扒房。花園餐廳高級版（我估咁樣講應該唔會太過份）。 紅白格仔枱布，簡單嘅裝修，暗暗嘅佈置，同埋舊舊地嘅卡位。令人感覺都幾舒服。
Louis Steak House
地址 : 灣仔告士打道50號馬來西亞大廈一樓
電話 : 2529-8933
我地兩個人，叫咗兩個湯，一塊肉眼扒。扒要特別厚嘅，正常一塊得九安士，叫佢切夠十四安士。厚啲好味啲。仲有一塊炆花膠。無錯！係西餐廳食炆花膠。絕呀！
我個忌廉蟹肉湯有啲出水，麻麻地。牛尾湯就還可以。
塊肉眼排好好好好食。好有肉汁，雖然temperture煮錯（我地要medium-well，但係佢頂多得medium），但係好嫩好香好好味。我覺得仲好過文華（扒房）嗰塊，因為文華嗰塊有渣。不過佢啲配菜就太「地道」。一塊扒放係幾塊生菜上面。菜被扒嘅熱力煮熟，又有小小出水，怪怪的。（文華嘅配菜就無得頂！）
花膠炆得好靚。個汁又唔會太鹹。我忍唔住叫咗個白飲嚟餸汁。好正呀！
甜品係朱古力梳夫里。無特別，算合格。
兩個人，兩杯野飲再如餐茶，千二蚊落樓。正常應該八百就可以。可以再去！
~ Lindberg
tHx4sHaRiNg...^^
回覆刪除唔錯喎 ! 不過我好少去這些地方 ！
回覆刪除蛙哈哈! 蛙到過這裡開過三次會, 不過, 無得吃, 只有冰水! 嗚....
回覆刪除嘿! 出年生日有好提議給朋友啦! :p
鉛鉛 :
回覆刪除tHx4sHaRiNg...^^
好耐遺無見喎！
wingwing :
回覆刪除唔錯喎 ! 不過我好少去這些地方 ！
妳都唔會食扒啦！
井蛙 :
回覆刪除蛙哈哈! 蛙到過這裡開過三次會, 不過, 無得吃, 只有冰水! 嗚....
嘿! 出年生日有好提議給朋友啦! :p
有無咁慘呀？同靚仔去就話有情飲水飽啫！嘻…
嘩...塊花膠都好厚吓
回覆刪除JO :
回覆刪除嘩...塊花膠都好厚吓
我都係第一次咁樣食。感覺好補。嘻…
味道一般, 但d waiter 態度非常非常差.大把空位剩, 得1/10 有人坐.(我諗waiter d態度都影響左d客唔想去幫襯掛.)
回覆刪除我都係第一次幫襯要spend多過$500,但d態度又咁差的餐廳.(重唸住貴餐廳有保障添,點知唔係喎.)
東亞咭話有九折, 但d waiter 話同東亞無交情,
'冇喎!'請d waiter 去check check card centre啦, 又唔肯, 之後唯有自己double check, 其實真係有架喎.(但d waiter 堅持話'冇喎!')
好似要同佢乞咁,簡直'俾錢買難受'.
今時今日,咁ge 服務態度真係唔得(口家)!
各位鐘意食的朋友, 唔想有 hard feeling, 就唔好幫襯啦.(小心後悔呀)
boursin :
回覆刪除味道一般, 但d waiter 態度非常非常差.大把空位剩, 得1/10 有人坐.(我諗waiter d態度都影響左d客唔想去幫襯掛.)
嘩！好灰喎。我嗰日啲服務唔錯，野又好食（相信跟我靚唔靚仔無關）。雖然唔算好 attentive，但係都算好聲好氣。莫非佢地大哥仙遊咗之後差咗？
不過我覺得同食嗰個嘅心情都好有關系。服務好，人客心情自然好。心情好，食嘅野都覺得特別好味。搞到個人客一肚氣有乜謂呢？