阿威要坐監

「我無自由，我失自由。傷心痛心眼淚流。我行錯步，我差錯步。此刻心傷透…」

人地坐監咁慘，你仲影！

咪住先！我都無做錯野，好似係我自願入去喎。自然可以自己走番出嚟啦！

自己嚇自己添！我咁乖，有乜野由要坐監喎！

正所謂行船爭解䌫。細路張床梗係要俾大佬檢查下先啦。不過阿爸都醒目。知我同阿妹一定會上去玩，所以預先蓋好張床，話之後等細路出咗世先消毒下同換張新嘅。

話時話，阿爸講件好神奇嘅野我聽。佢有個MBA同學，係入學面試見過一次，一見如故，不過之後完全未同過一班，所以無機會發展，而且阿爸話佢都無興趣去發，因為人地係男仔…。Anyway，同學個老婆又係有咗，又咁啱又係十一月一日預產。而再神奇就係大家都會開刀，而開刀嘅日子都係選擇咗同一日！不過人地就十二點，我細路就十點。而且唔同醫院，同埋人地係女仔。

阿爸知道之後好興奮，立即send個email俾佢同學，聯絡一下，等第二時兩個BB可以見下喎。真係好笑！


~ Lindberg