西苑叉蛋飯

尋晚好想食好野。同水泡媽話呢機日唔食，遲啲有排都無街出（坐月）。想叫餸飲湯食飯，有邊到好得過《西苑》。

太古城西苑酒家

地址 : 側魚涌太古城中心二期二樓208號
電話 : 2885-4478

兩個人無乜好叫。清清地，一個例湯，一碟帶子賽螃蟹，一碟花膠炒菜，當然唔少得叉燒啦！

西苑叉燒真係好好味！熱辣辣，好香陳皮味。好正！加埋賽螃蟹嘅蛋白，兩條菜，我整咗碗叉蛋飯！哈！

超滿足！

講開食，早兩日係寫字樓個茶水間，俾我見到盒藥水膠布係枱面。原本想鬧人，話邊個無手尾，膠布四圍放。點知望上啲，嘩！「柔棉体驗」，仲乜有包女人野係到！

睇真啲，其實之前網上見過！開入面包野出嚟睇真啲：

係棉花糖呀！剛剛有個同事去完台灣玩，買番嚟嘅手信。OK膠布係薄荷朱古力。 棉花糖甜咗少少，不過都好好味！



~ Lindberg