最後幾日！

尋日最後一次產前見大夫（熟人真係叫佢做大夫…）。每次見大夫嘅時間都好短，但係就覺得其他人就好長。雖然覺得好似大細超，不過亦都可能表示水泡媽無乜問題啦。

醫生話水泡仔出世應該六磅左右。好似細粒少少。不過仲有幾日去俾佢大。

呢幾晚我都瞓唔著，仲成日發惡夢。尋晚見水泡仔係醫院，有部心跳監察器監察住心跳。點知部機顯示心跳停咗。嚇到我抽筋！係醫院四圍走，搵醫生。捉到醫生嚟，原來條線甩咗！嚇死兼激死！

水泡仔，乖乖呀！都係嗰句，唔好提早跳出嚟嚇我呀！過多幾日我地就見面啦！


~ Lindberg


P.S. 睇完醫生之後問水泡媽想食乜。到坐月就有排都無得出街食。原本佢想去蘭芳園飲奶茶，因為之後的無得飲，點知新鋪無開門，勁多人係舊鋪排隊，所以走去 Frying Pan 食個遲來的早餐。雖然膽固醇高少少，一餐半餐都唔錯啦！