彩虹七色兄弟戰隊

尋日幫好兄弟做兄弟。兄弟好錫住班兄弟，所以班兄弟都唔係好洗做。七位兄弟，紅、橙、黃、綠、青、藍、紫。等等，需要修正，跟據維基百科，應該是：紅、橙、黃、綠、藍、靛、紫。

七個兄弟，七色領呔。我係黃戰士！但係我無淨色黃，所以俾人話。早知買過條。橙戰士就真係夠橙啦！

接新娘，無難度。唱「愛多八十年」，食辣椒，食鹹竹蜂，做掌上壓，完全無難度，因為有新郎做晒！哈哈哈！

之後去男家，食午飯，去註冊。一班兄弟一齊，由頭笑到落尾。

新郎哥呢？我地當然寧願同佢家姐影相多啲啦。哈哈哈！（講笑啫…）

夜晚到郎豪酒店四十二樓飲。第一次去，場地唔錯。野食非常好。好熱之餘，味道又唔差。服務雖然慢少少，不過都算係咁。

因為九時先開席，而且上菜比較慢。十一點半先食完。可能笑得大多，加上本身又病病地，今日真係病咗！唉…

~ Lindberg