斷我米路！

今朝落咗鋪一陣，老細就斷咗我條米路！衰人！不過都唔知好嬲定好笑。哈哈哈！

（傻咗…）

今朝係鋪頭整整下野，同事打電話俾我，問我有無約人係太古廣場。有個人話約咗我地個 Site Development Manager，話係我（我都唔知我有個咁嘅頭銜），非常 urgent，要我電話。我話無約過人喎，而且我地同太古又都無乜來往。我同事無俾我手提電話佢，以防白撞，而且佢都講唔出我個全名。

之後我同事見佢咁急，咪問老板有無約人。老板都無，於是老板自己打個電話去問清楚。原來對方唔係乜鬼乜鬼，其實係獵頭公司，想獵我。我唔知我老板當時有乜反應，只知佢斷咗我條米路！

好狠呀你！

都唔知話個獵頭醒定蠢。不過都好，俾我今日有得笑吓。嘩哈哈哈！


~ Lindberg

P.S. 之後個獵頭又再打嚟。見佢咁豬，都唔想多講，禮貌地俾咗個電郵佢。

P.P.S. 再之後老板俾咗封電郵我，cc 埋我第二個老板，話有個咁嘅人搵我。叫我小心，可能會再打嚟（打咗啦！），叫我唔好盡信喎… 我禮貌地回覆話：「嘩哈哈哈！」