之前見到阿托寫一篇有關自己嘅飲食習慣，我又好想講埋一份。不過到依家先至寫得出…
1. 鐘意煮多過食。
2. 打死都唔食蔥。
3. 不過會食白切雞的薑蔥茸。（我相信好多唔食蔥嘅朋友都係咁。）
4. 鐘意飲咖啡，不過飲得多會胃痛。
5. 鐘意去參加喜宴，因為有好多野食。
6. 茶餐廳係我第二頭住家。
7. 如果出街食野，唔鐘意諗去邊到食。一諗就會頭痛。
8. 一大班人一齊出街食野就最好心。如果唔洗自己諗食乜仲開心。哈哈哈…
9. 如果同人地去我選擇嘅餐廳，而間餐廳唔好食，我會眼濕濕。
10. 食野都算食得幾快。所以個胃就麻麻地…
11. 自小就食好多燕窩，所以皮膚好滑。呵呵呵呵呵…
12. 唔飲得酒（因為乙型肝炎帶菌），但又好想飲。
13. 最喜歡嘅酒精飲品：Sangria。因為鐘意飲甜野。
14. 鐘意食啲滑潺潺嘅野，如：納豆、山芋、魷魚刺身。
15. 唔算好大食，不過好吸收。唉…
16. 每次見到啲游下游下嘅魚，行下行下嘅牛，都好想轉行食素。奈何自己咁為食，又點忍得住口呢。
17. 以前好鐘意掃街，不過已經好耐冇掃啦。
18. 有「食物性語病」。例如：唔知點解見到「油炸鬼」，總會叫佢做「叉燒」…
19. 幾鐘意食朱古力，尤其係濃味嗰隻。屋企同公司嘅檯頭總有一盒。
20. 最鐘意都係食屋企嘅三餸一湯。
~ Lindberg
鐘意去參加喜宴，因為有好多野食 -->但係食黎食去都係嗰d，唔厭的嗎？而且那些食物都很肥 =.=
回覆刪除有「食物性語病」。例如：唔知點解見到「油炸鬼」，總會叫佢做「叉燒」--> 點解咁得意geh？口腦不協調的原因嗎？
自小就食好多燕窩，所以皮膚好滑。呵呵呵呵呵-- 要摸過先知喎,要問吓jayson 仔先知,嘻嘻 !
回覆刪除櫻杏子 :
回覆刪除鐘意去參加喜宴，因為有好多野食 -->但係食黎食去都係嗰d，唔厭的嗎？而且那些食物都很肥 =.=
有「食物性語病」。例如：唔知點解見到「油炸鬼」，總會叫佢做「叉燒」--> 點解咁得意geh？口腦不協調的原因嗎？
我上星期六日都去飲。一啲都唔厭呢！但係肥就…
我都唔明。一見到「油炸鬼」就會叫「叉燒」… 其他野又唔會喎。應該係細個嗰陣俾人誤導過。哈哈哈…
wingwing :
回覆刪除自小就食好多燕窩，所以皮膚好滑。呵呵呵呵呵-- 要摸過先知喎,要問吓jayson 仔先知,嘻嘻 !
阿仔滑我少少咁啦。
咦, 等我搵日都寫返個先。
回覆刪除自小就食好多燕窩...都幾富貴喎~
另外你mami係唔係以為佢自己生左個女丫?! 好少人俾仔食咁多燕窩...
鐘意去飲... 有d似麥兜, 哇哈哈~~~
Koko :
回覆刪除咦, 等我搵日都寫返個先。
自小就食好多燕窩...都幾富貴喎~
另外你mami係唔係以為佢自己生左個女丫?! 好少人俾仔食咁多燕窩...
鐘意去飲... 有d似麥兜, 哇哈哈~~~
話時話，我阿媽屋企真係仲有幾套 BB 女衫… 滴汗…
係咩？麥兜都鐘意去飲咩？果然識野呀吓！
P.S. 妳又教識我一個字。我不嬲都打「依」。知道有問題，不過又唔識個「咦」字。多謝晒！
「11. 自小就食好多燕窩，所以皮膚好滑。呵呵呵呵呵…」
回覆刪除=_=你曬命呀???
唔緊要丫，我肯定我宜家d皮膚一定滑過你~哈哈哈
因為我後生過你...哈哈哈
「1. 鐘意煮多過食。」
我唔係架~我兩樣都好享受^^
不過宜家對「食」冇咩興趣...
可能返工成日出街食//已經好耐冇食住家飯喇....
但煮同食既「額外條件」係洗碗!呢項工程係我最憎的! =D
可梨 :
回覆刪除「11. 自小就食好多燕窩，所以皮膚好滑。呵呵呵呵呵…」
=_=你曬命呀???
唔緊要丫，我肯定我宜家d皮膚一定滑過你~哈哈哈
因為我後生過你...哈哈哈
洗唔洗講到咁明呀？好傷心呀…
我近排成日都要洗阿仔啲野。所以都洗到冇乜所謂啦。
返工返成點？搵日去探妳呀！
呢個topic真係幾有趣喎~我都想寫下~
回覆刪除我都中意去飲架, 我可以由頭食到落尾, 隔離d賓客見我人仔細細食咁多野都比我嚇親呢~~
Sangria?係咪果隻西班牙酒呀?加士多啤利粒粒好好味架~~
第9點我好認同, 所以唔係好好食都唔敢叫人去, 仲有點餸都係, 點左d唔好食既我都會怪責自己...
哈哈，好像很好玩啊，我又寫!^___
回覆刪除白雪 :
回覆刪除呢個topic真係幾有趣喎~我都想寫下~
我都中意去飲架, 我可以由頭食到落尾, 隔離d賓客見我人仔細細食咁多野都比我嚇親呢~~
Sangria?係咪果隻西班牙酒呀?加士多啤利粒粒好好味架~~
第9點我好認同, 所以唔係好好食都唔敢叫人去, 仲有點餸都係, 點左d唔好食既我都會怪責自己...
我阿媽話我細細個去飲，就由頭食到落尾。可能就係因為咁，依家變成咁。唉…
Sangria 做法個個都有啲唔同。大致上係半杯紅酒、橙汁、雪碧、生果粒粒。好味！
賞雨 :
回覆刪除哈哈，好像很好玩啊，我又寫!^___
寫啦寫啦！好耐冇見妳寫野啦！
Lindberg :
回覆刪除話時話，我阿媽屋企真係仲有幾套 BB 女衫… 滴汗…
係咩？麥兜都鐘意去飲咩？果然識野呀吓！
P.S. 妳又教識我一個字。我不嬲都打「依」。知道有問題，不過又唔識個「咦」字。多謝晒！
麥兜都鐘意去飲架, 因為有翅食丫嘛, 哈哈~~~
ps - 恭喜你又識多個字~ 哈哈~
Koko :
回覆刪除麥兜都鐘意去飲架, 因為有翅食丫嘛, 哈哈~~~
原來係翅。哈哈哈… 我就鐘意食大魚。啖啖肉！好味！
之前見個blog友寫,佢寫咗101條,勁呀!!
回覆刪除莎莉蛋糕 :
回覆刪除之前見個blog友寫,佢寫咗101條,勁呀!!
我都睇過。我就諗唔到咁多啦。
咁，你有無試過係粥舖嗌炸腸，
回覆刪除點知黎左碟叉燒腸?
Toby & Pauline :
回覆刪除咁，你有無試過係粥舖嗌炸腸，
點知黎左碟叉燒腸?
你又知？！因為炸兩唔會叫做「油炸鬼」腸粉，所以我唔會叫錯。不過嗰次仲搞笑。我去粥舖嗌油炸鬼，我真係講咗叉燒！跟住個伙計同我話冇叉燒賣………
Lindberg : Toby & Pauline :咁，你有無試過係粥舖嗌炸腸，點知黎左碟叉燒腸?你又知？！因為炸兩唔會叫做「油炸鬼」腸粉，所以我唔會叫錯。不過嗰次仲搞笑。我去粥舖嗌油炸鬼，我真係講咗叉燒！跟住個伙計同我話冇叉燒賣………
回覆刪除咁你有冇試過係課室大嗌"Miss" 做"媽咪"吖????...嘩哈哈哈
Toby & Pauline :
回覆刪除咁你有冇試過係課室大嗌"Miss" 做"媽咪"吖????...嘩哈哈哈
咁又好似冇。只係「油炸鬼」會變成「叉燒」。
18. 有「食物性語病」。例如：唔知點解見到「油炸鬼」，總會叫佢做「叉燒」…
回覆刪除油炸鬼同叉燒差好遠喎, 點解你會攪錯既, wakakaa :D
Mrs. Kwok :
回覆刪除18. 有「食物性語病」。例如：唔知點解見到「油炸鬼」，總會叫佢做「叉燒」…
油炸鬼同叉燒差好遠喎, 點解你會攪錯既, wakakaa :D
我都唔知。好奇怪呢？哈哈哈哈…