晚飯@泰妃雞

今次係第二次光顧這店。這店出名泰式海南雞飯，主要分別係醬汁同埋飯。價錢唔算平，不過質素都算唔錯。

泰妃雞
地址：灣仔三角街3號地下
電話：2838 8726

見係食晚餐，所以就豪少少。先來一個泰式魚肚羹。好多料，味道都唔錯。不過啲魚肚「爽」咗少少，我自己唔係咁鐘意。

串燒非常之有肉汁。好味！任選半打 $50。

海南雞飯的油飯都幾香，不過偏向乾身，所以我就麻麻地。雞已經去骨，好一碟適合懶人嘅「頹飯」。皮與肉之間有層晶瑩通透嘅油，雞肉嫩滑。加埋個辣辣地嘅汁，非常唔錯。

碟炒通菜就普通啦，熟咗少少。仲叫咗材椰汁三色冰，好味！


~ Lindberg


P.S. 食咗一半先記得影相，仲要得部手機。所以有啲核突。嘻嘻…