Iron Man 鐵甲奇俠

前幾日偷懶去咗睇《鐵甲奇俠》。好好睇！

用「空想科學」嘅角度去睇，當然好多野都冇乜可能。例如如果要喺手心發出一個沖擊波，隻手應該首先應聲而斷。不過試問，有邊幾個超級英雄係真係可行呀。而且「鐵甲奇俠」勝在係靠人一己之力製造出嚟，比起超自然能力（例如超人），來得有信服力。

套戲兩個幾鐘，絕無冷場。有動作、有笑料、有特技。真係娛樂性極之豐富。睇完差啲想去 Toy 'R' Us 買個 Iron Man 面具戴下。哈哈哈！

下一套要睇嘅，一定係 Jack Black 嘅《Be Kind Rewind》。首先，我好鐘意 Jack Black。除咗欣賞佢有同我一樣嘅「健美」身材之外，就係佢骨子裡嘅搞笑。套戲係講 Jack Black 「意外地」整壞晒佢朋友間出租影視店啲錄影帶。因為冇錢買過啲新，又唔想佢朋友俾人炒魷魚，所以決定自己拍！抄埋晒啲舊片，如捉鬼敢死隊、 Robocop、等等，但係製作超白痴，套套都係得廿分鐘。但係竟然啲人鐘意睇喎！仲差啲好過原著添。哈哈哈！勁爆笑！

~ Lindberg