又過一年…

今朝 Ronnie 話開始唔記得自己幾多歲。以前細個會用月份來做單位，例如三歲半，精確非常。之後大個小小都會記得舊年幾多歲，然後生日咪加多一歲落去，例如舊年十七，今年咪十八囉。

而家我地就有小小困難，因為已經記不起舊年幾多歲。所以要用減法，例如今年 2007 年，減出生年份，那就是自己歲數啦。再過多幾年我睇都已經無乜關係，我睇都已經無乜關係，因為到時乜都唔記得啦。

尋晚唔知點解，搵番葉蒨文隻「零時十分」出嚟聽。點知真係俾隻歌唱中。唉…

可能因為再過幾日就去旅行的關係，所以生日變得好似不實在。天光前的惡夢、早上的「零時十分」、下午跟同事一起吃飯、親友的電話和短訊、姪女的生日歌、即興而又豐富的晚飯。

星期日要飛，所以要完成公司的工作。 不過之後返嚟一定會好煩。唉… 放工之前開抽屜見到幾粒扭蛋，是之前 Ardy 送嘅。 我即刻攞出嚟砌，就當係一份生日禮物啦。多謝 Ardy！哈！

今年仲有一份（都算係）生日禮物。 哈！


~ Lindberg