今日大家都無乜準備，因為主要做 Brain Storming。去到學校見阿 Helen 企係到食風。佢話班房做緊清潔，所以要等一陣先上得去。其他人人影都唔見。我見個清潔阿姐行來行去，都有啲奇怪。但係Helen 咁乖，我就當然信佢啦。點知跌眼鏡！
上到班房黑漆漆，一入門口，蛋糕、蠟燭、生日歌、生日咭、糯米糍。好感動呀！我今年都無食過生日蛋糕，又無許過願。所以真係勁開心，雖然遲咗兩日，但係今日好似真係我生日咁。好想喊添…
吹過蠟燭，許過願。講咗係唔係唔靈㗎？人大咗，好多時都唔敢去想要啲乜。想得太多，最後希望變成失望。不過可能因為本身希望嘅野就係無可能。所以今年我醒呀，想要啲有把握嘅。哈！
各位係生日咭到寫咗好多野。總括嚟講，佢地一定係覺得我好樣衰，所以希望我會變得靚仔啲。唉…
鵬鵬，我知我無你咁靚仔，唔洗提我。要個小左轉？小鵬鵬應該會可愛啲！哈！不過講下咋，你唔好真係走去整個小鵬鵬我睇呀！
Helen，妳令我好失望，仲話我老餅！ 講笑咋！最乖都係妳。
Natalie，又係話我唔靚仔。唉… 不過永遠都咁 young 又唔錯喎。
Choco，有你地錫，老多幾多年都無乜所謂啦。我同阿托會等你地出身，然後屈請我地食飯！
Kayee，你地如果學到野，我地咪仲開心！唔準學我玩灰啦，知嗎？
殘，身體健康最重要！多謝！一年靚仔過一年…唉…
阿文， 大家都要身體健康！
張陽，生意興隆好呀！唔係咪無飯開！
BillBill，有你地，邊日都快樂啦
Last, but not least, Zita，我真係開心到自暈啦！妳祝我財色兼收，果然知我心意呀吓！哈！妳想明年幫我做忌呀？！不過聽下都已經夠開心啦！哈！
多謝多謝多謝多謝多謝多謝多謝多謝好多謝咁多位！
我會好好珍藏呢張咭同所有回憶。
仲有一個人喎，嘉芙，好多謝妳盒 Cho-pan！妳真係好 sweet 呀！多謝！
阿托，七月咁多人生日，我地大做呀吓！
係呢，今日開會做過乜話？哈！
~ Lindberg
沒有留言:
張貼留言