喺婚宴敲杯

今晚去朋友嘅婚宴。當一對新人入場， 我好自然地就攞起支筷子敲起隻杯來。

記得細個嗰時，去大哥個婚宴見成班親友係到敲杯。我唔明佢地做乜，於是就問二哥。二哥咪解釋俾我知。

佢話啲人敲杯，就係表示想見對新人錫錫。新人要錫到班親友定為止。佢話如果敲得越起勁，對新人就要錫得越起勁。咁我問如果我敲爛隻杯，即係代表乜。二哥俾咗個好曖昧嘅眼神俾我。佢叫我試下，然後睇大哥表演。我當然無聽佢講。

事實上，當然無打爛杯呢回事啦。掟杯落地，最多咪係黑社會講唔掂數，叫班兄弟「做野」嘅暗號啦。二哥真係好衰。

今晚對新人好 sweet sweet。

男方係 Ricci 仔。估唔到係婚宴會有 Hall Cheers 唱。哈！

~ Lindberg

P.S. 今日叫人好自為知。其實諗諗下自己無資格咁講。因為呢句野都係人地叫我嘅。哈！