第一次聽 Tommy heavenly6 係响下妻物語入面嘅片尾歌：「Hey My Friend」。一聽就好鐘意佢把聲。
其實 Tommy heavenly6 唔係一隊 Rock Band，而只係一個人：川瀬智子。 Tommy heavenly6 可以話係川瀬智子虛構的人物。過程都幾複雜，首先造咗個叫 Tommy february6。 Tommy 來自佢個名 Tomoko，february6 係因為佢2月6日生日。可能個性唔夠鮮明，所以就走咗個 Tommy heavenly6 出嚟。真我性情啲喎…是但啦！
開頭聽佢把聲以為佢好後生，原來都有番啲年紀。唱 Rock 好得（個人認為）。今次隻碟嘈得嚟又聽得好舒服。作詞自己一個一手包辦，但係我嘅日文係「有限公司」，雖然歌詞加咗好多英文，不過都係未知講乜，要啲時間，哈！好多隻歌都好搶耳。今日不停聽，聽足一日。哈！
~ Lindberg
P.S. 之前係朋友個 Blog 到見到一條問題：「你會聽什麼平靜下來？」我嘅答案比較奇怪。我要聽一啲好嘈嘅野先得。我唔係話要大聲（如：鑽地、喪叫），而係要……聽下 Tommy heavenly6 就明㗎啦！哈！
沒有留言:
張貼留言