早排發現有死人頭係我個 Photo Gallery 到狂留廣告，搞到我個 Gallery 好似專賣「偉哥」嘅網站—樣。俾人地誤會以為我需要嗰啲野都唔好呀。激死我！
點知今日仲衰！黑到痺！
今朝唔記得講開乜野，自己走咗去自己個論壇到。個論壇已經好耐無去過，因為無人玩。點知一入去就發現俾駭客駭鬼咗。天呀！洗都洗唔切，好彩入面都無乜特別野。唔係話有乜野幾年來嘅心血。算係不幸中嘅大幸。
正所謂好事成雙，黑仔事都係…
公司其中一部電腦中毒。我只不過係因為要同個程式設計員試一啲野，所以息咗個防火牆一陣。點知眼前一亮，唔知做乜鬼部電腦自己走去下載個病毒落嚟。我同個程式設計員眼都突埋。部電腦仲要係用嚟做啲好重要嘅野。，好彩我眼明手快，鏟得切，死唔去。不過聽日都係重新裝過安心啲。唉…
我都唔明啲人寫啲病毒出嚟做乜。唯一我見到嘅效益就係富者越富，益晒啲有錢嘅軟件開發商。我地呢啲窮鬼就每年進貢幾百蚊去更新佢地嘅防毒軟件。好灰呀！
唯一感到安慰就係屋企無呢個問題。因為我用蘋果電腦。哈！
搞到我四點先有飯食，應該做嘅野全部未做！嬲嬲地搵人傾兩句再寫番個 Blog 。哈！
~ Lindberg
P.S. 蘇記茶餐加咗價。
沒有留言:
張貼留言