意式肉丸

好耐無煮野食啦。今次來個意式肉丸。自己 recipe。同本人餐廳無關。哈！自己餐廳嘅肉丸好實，因為鬼佬鐘意。不過自己都係鐘意食鬆嘅。分別係多左啲奶。

要一磅碎肉。我買牛加豬，淨係牛會硬同大牛味。我覺得兩溝好啲。我呢到得 3/4 磅左右。

要半個洋蔥切碎，同1/3杯麵包糠。

一粒蛋加1/4杯奶。1茶匙鹽，1/8茶匙黑胡椒。然後搓成波波。

我做得大粒啲，所以得12粒。放入焗爐，210C/400F，25分鐘。細粒啲15分鐘就得。入面燒熟就得。

個汁其實可以勁懶。用即食意粉醬就得。不過每次都想自己做。因過每次都諗起村上春樹寫過嘅煮意粉醬（尋羊的冒險嗎？）。寫得真係好好味！哈！

其實都係用茄肉、洋蔥、basil、oregano、鹽同黑胡椒煮埋一齊。而做呢個肉丸嘅汁，要落多1茶匙黃芥末同小小辣椒。將啲肉丸放落啲汁到煮十五分鐘。食得！

鐘意的話可以煮個意粉，然後加啲肉丸同汁上面。咁又一餐啦！Enjoy!




~ Lindberg