乜都無做過新加坡五天之旅：第一日

尋晚三點幾先訓，可能本能地將個鬧息左！應該五點半起身，六點三先知醒。好彩都仲趕得切。都話唔好瞓啦！

今次個相機袋都幾重。三部相機，兩支鏡頭，一支閃光燈。

三個幾鐘機程。

飛機到睇左The Fast and The Furious: Tokyo Drift 。雖然無故事，但果然比Initial D嘅飆車勁好多。好想開車添！

天灰，下雨。亦不見彩紅…

來到 Hilton 已是一時半，當Check-in時，姐姐突然出現。她早一天已到了新加坡。其他人都已經早我地一個鐘到埗。上到房之後，姐夫突然彈左出黎！明明都話唔黎。俾個surprise我地添！今次真係可以話係頭一次一家團聚啦！

一行二十人 ，要全部人行前一步，起馬要十五分鐘！午飯跟姐姐行話去食麵。點知原來係鼎泰豐…唔好食又貴！

因為落雨，所以跟住去左行mall…俾我揾到樣野買，好野！不過無機會買。揾日再黎過先！

坤記kaya多士真係無“坤”人呢！好味！

個個都因為食得太飽，所以決定唔食晚飯。好野！哈！

晚上係HBO看了Will Smith主演嘅Hitch的頭和尾，中間去左跟大哥飲野。很喜歡當中的一些對白。Will Smith的工作是戀愛顧問。其中有一個肥哥哥愛上了一個富婆。當他向Will Smith解釋為甚麼要他幫忙時，雖然很土，但是很甜。愛就是可以那麼單純。不想自己深愛的人跟不知那個王八蛋在一起，但卻默默祈求和祝福她的快樂。很甜卻又很痛。

姐姐唔知點解可以幫我地做晒Hilton嘅金大支（Gold Member）。有免費行政lounge任飲任食！一定肥死！間房都大過人！好野！

~ Lindberg