條嘅 link 係：http://youtube.com/watch?v=Yrh8SeRv6Bc
「一個人無左重點會點呀？…又係會浮囉！」詹 Sir 話。
我朋友話人往往有兩個重點，戀愛跟事業。我估我知佢其實係想講乜，不過我就照字面講啦。
記得細個返主日學個時聽過個聖經故仔。Detail 已經唔係好記得。好似係咁樣嘅…
有個農夫每日都做到隻積咁。係早午晚三餐休息嘅時候，佢就會花啲時間黎祈禱同感欣。有個有錢人見到佢咁，就同神講：「神呀，睇下佢呀！一日先記住祢三次。我就唔同呢！我成日都係祢嘅殿到祈禱，無時無刻都係到事奉祢。祢係唔係應該錫我多啲先？」
神就話啦：「你覺得你成日事奉我，所以我就要錫你多啲？不如做個測試。你揸住呢杯水，係個農夫塊田到行一個圈。小心，唔准打瀉嫁！」
於是有錢人就小心翼翼咁行左個圈。返黎之後就講：「神呀，無瀉到呀！幾叻！有無獎品？」跟住神就問：「咁係行一個圈之內，你諗過我幾多次？」
「呀…」
「農夫日日都做到隻積咁，都會搵小小時間去事奉我。而你呢？」
重點。其實我覺得係人生唔同嘅階段會有唔同嘅重點。除左唔只兩個之外，仲會同時並存。淨係揸住杯水一世而唔打瀉未必係一件好事。以前學過一個 term 叫 compartmentation。即係好似個百子櫃，每一格都放左啲要做嘅事情。要耕作時就開裝住耕作嘅櫃筒。每次都只係開一格，每次都係得一個重點。
不過講就易。人往往都想一次過滿足多個願望。但當幾個櫃筒一齊打開就會點呀？就好似詹 Sir 講，個人咪會浮囉！因為無晒重點呀嗎。咁可唔可以 multitasking 呢？我覺得只要懂得開關，專注完一樣還一樣，就等於同一時間可以專注多樣事情。
Work hard, play hard. Actually... work hard, play harder!
而我個櫃就只係得一個大櫃筒，入面就只係得我自己。
哈！都知衰嫁啦。所以開始用左手學寫字。希望以後可以做好啲啦。~ Lindberg
沒有留言:
張貼留言