乜都無做過新加坡五天之旅：第二日

早餐是自助餐。死肥仔…

早餐後，坐三架七人的士去聖淘沙。嗰到係一個旅遊島。有好多野玩。八九年前黎好似未有吊車去。要坐巴士。

一去到，班細路就話要坐滑撬。其實係條落山道。一人坐一隻撬滑落去。點知一出車就落雨！仲落得大到死！短短兩三分鐘車程，由頭濕到落腳指尾。臨尾乜都睇唔到，因為副眼鏡無裝水撥。灰！

之後同班細路去揾返班大人。阿嫂好醒地買左啲衫俾我地換。唔係一定冷親。

食完野之後班細路又要玩多次。見無雨，大人中最細嘅我就唯有再帶隊啦！條落山道其實做得唔錯，有好多彎，髮夾彎都有兩個。可以去得好快。最衰條路兩邊無排水溝，唔係就可以表演下。哈！

玩完之後去看水族館。都有啲野看呀。跟住因為好累，所以就返酒店。

去到聖淘沙竟然無去看新魚尾獅！人多難行無辦法啦。

因為濕得太厲害，我要買過條褲同對鞋。走左去隔離間EA。唔係好捨得，自己行多兩步去左Zara。由頭買到落腳，都唔洗EA一條褲腳嘅價錢呀！

晚飯去左大嫂响呢到做野嘅家姐屋企食。三百五十萬港幣一個兩層單位，香港半層都買唔到！

晚餐有西班牙飯！好野！雖然自己都煮過，但係西班牙人煮嘅西班牙飯特別好食！

飯後姐姐為左班細路預備左個遊戲.就係做薑餅屋。材料係美國買。姐姐真係有心思啦，不過班細路心急，所以其中一間散左。然後就直接落左班細路嘅肚啦。哈！

~ Lindberg