今天又要係餐廳幫手做水吧。我老板都去左另一間幫手。佢都係做水吧，因為比較易做。相信我同佢係全港最貴（同最無用）嘅水吧。
餐廳今日好多大 party。做左成百幾二百杯野飲。返到 office 仲要簽二百幾張支票。好鬼死累呀！好彩之後放成個禮拜。可以休息下啦。不過返黎就知死啦！好多新野要開始！
今日三點可以放工（我話嘅）。橫豎都係等食飯，所以留係到寫兩句先走。跟住或者一個人行街街睇下有乜買俾班細路（姪仔女）。為左下星期會見到佢地，我已經練習定 Mario Kart，同佢地一較高下！唔做定功夫，一陣做阿叔嘅我輸九條街好瘀嫁嗎！
一陣仲要同 Ardy 去攞佢部 PS3！聽晚影完相唔知有無機會上佢到見識一下呢？
~ Lindberg
沒有留言:
張貼留言