在 Crema 過平安夜

明明約左九點。我都遲左半個鐘啦，點知有人掛住係屋企玩 Wii，仲遲過我！好彩我“早到”，唔係都無位坐啦！

都唔知做乜大家一坐低就好似相機學會聚會。所有相機攞晒出黎。20D、D80、F31（一部非常好嘅機仔）、月光機、TX-2。原本我仲想攞埋部紅色 Lomo Fisheye 出黎襯衫。低能仔！哈！

成晚吹水吹到傻左！

我地過左十二點先走。成個尖沙咀都係人。會唔會陸沉嫁？

聽日飛啦。全家十九人去新加坡！刺激新加坡經濟咩？家姐份十八頁紙行程表仲未睇完添！

原來想係十二點 send sms 原來真係無可能。試左我半個鐘都唔知收唔收到！




~ Lindberg

P.S. 今日又早左起身，一個 blog、一封 email、同一隻貓不停按我 keyboard！

P.P.S. 又開始痛，想是太多吧。

P.P.P.S. 呢兩日出街都俾人望住晒，莫非著得太紅同肥左俾人誤會左我係某人。死火！都係要絕食啦！