乜都無做過新加坡五天之旅：第四日

今天好天先黎無戶外節目。因為尋晚玩得夜，今日十一點先出到門口去Vivo City。個到係一個新嘅大型商場。聽講係為左分散Orchard Road嘅人流，所以個商場都幾遠。

個商場好大，應該大過又一城一倍。行到腳仔軟。

係Zara見到減價。之前買件T-Shirt原本要港幣三百。而家只要一半！死人頭！所以我只好學似買股票一樣，買多一件溝淡下！哈！

今日見到有個男人著埋同我個對一樣難襯衫嘅Zara鞋。見呢位人兄都幾有品味呀.識貨！

午飯係Food Republic入面嘅肉骨茶。都可以啦。不過俾人閙話我係入面影相。如果真係要抄你嘅裝修，抄左你都唔知啦，洗唔洗令到個客唔開心先？我先唔會這樣做呀！

個商場除左大，仲有好多野俾細路玩。頂層有個大水池，人地啲細路跳晒落去玩水。係咁熱嘅地方，多啲水池都幾好呀。我用部Horizon影到傻。

晚飯去Shangri-la食自助餐。好多野食，好肥…

講都唔信。Toni識用我部20D玩自拍。仲拍得幾好！

更加令人難以至信嘅係，我夠膽俾佢咁玩！哈！ 

我姐夫真係好好笑。將啲女當仔養。大女叫Mika，細女叫Kimi。都係賽車手名。因為佢以前都係。結左婚之後，我細姐姐當然唔俾佢玩啦。依家幫人改車。當地玩車嘅應該無人唔識佢。佢可以睇住雜誌入面張未出街新車嘅相，用架舊車改到變新款！原廠見到即刻走黎問佢架車點得黎。死未！

食完就去揾左個地方影全家福。因為自己影，所以返到屋企有排𢴇！不過好開心。

今天打番屋企，老豆病了。希望沒有大礙吧。



~ Lindberg