朋友的定義

自從陳冠希事件之後，我開始對朋友嘅定義開始感到模糊。忽然間周圍嘅人都變得「親切」好多，甚至稱兄道弟。而最令我不安，係嗰日行街聽到嘅對話。

上星期行街，聽到二男一女嘅中學生對話。應該中四五左右，斯斯文文。

「尋日又睇咗一堆…」女學生話。

「係啦。不過都唔明人地點解咁話陳冠希。佢都唔係好勁之嘛…」男學生話。

我第一時間心諗：「細路，唔好扮勁喎！」

其實人地鐘意做乜影乜，我覺得佢地都係成年人，唔應該過問。但正如癌症一樣，我記得以前教授講過，一種 carcinogen（致癌物質）未必攞得你命，變成癌症。但如果係有一連串嘅接觸或者事件，就大大鑊啦。

你鐘意做大導演，自導自演，唔緊要。唔識用電腦，保護自己嘅文件，都未必死得。但傻到部機壞咗，就咁攞去俾人整，已經非常之危。咁人地發現咗天大嘅秘密，忍得一時，忍唔到一世唔發出去，咁就出事啦。一個係咁，個個都係咁。

最慘事件中唔係普通人，而係年青人嘅偶像。聽完嗰幾個中學生嘅對話，應該可以想象到對社會風氣嘅影響。

咁唔似癌症似乜呢？



~ Lindberg