事原我記錯地方，自己一個人行咗去佐敦道嘅另一邊。行行下發覺得有啲唔對路，點解咁多五顏六色嘅光管嘅… 心知不妙。行到街角，見到有好幾個年輕男人企喺到，斯斯文文，好似等緊人咁。當我行過其中一個嘅身邊嘅時候，突然佢伸個頭過嚟，靠近我左耳講咗一句幾乎聽唔到嘅野。哩陣神奇的風，令到我左半身麻痹，短暫失去知覺。回過神之後，先理解到佢講乜。佢係問：「要唔要姐姐仔…」豈有此理！一睇就知我正直不柯啦，你當我係乜人呀？我當然冇理佢，雞咁腳就走咗…
（話自己正直不柯，自己都差啲唔係好信。呵呵呵呵…）
第二次同 Jayson 媽一齊又行錯路。不過冇行到去上一次條「光管街」，去咗另一個地方。好明顯我係一個路痴…
Jayson 媽終於見識過何謂「終極速度」。因為佢第一次去，所以諗咗一陣食乜。而整餐所需嘅時間，同佢諗食乜嘅時間差不多。死未！
試過炒蛋同煎蛋，我都係鐘意食煎香咗嘅雞蛋多啲。而牛肉通粉好食過叉燒意粉。茶走就一流啦。不過近排個胃又開始痛，有排都冇得飲茶啡喔…
~ Lindberg
P.S. 今日 Fred 哥俾咗條 YouTube 片我睇。勁搞笑。喺 Food Court 入表突然間有歌舞表演！
唔... 咪唔係好似tv咁係d女人企係街到問既咩, 原來有男人問... 都幾好笑喎, "先生, 要唔要姐姐仔丫?" 哈哈~~~ 好似拍戲咁。
回覆刪除你個人都幾為食喎。
Koko :
回覆刪除唔... 咪唔係好似tv咁係d女人企係街到問既咩, 原來有男人問... 都幾好笑喎, "先生, 要唔要姐姐仔丫?" 哈哈~~~ 好似拍戲咁。
你個人都幾為食喎。
真係好鬼痹呀… 諗起都驚！
為食？算係咁啦。鬼叫自己都係做呢行咩！嘻…
I've never had that kind of "interesting" experience, as some people told me I look like a cop ;-)
回覆刪除Fred :
回覆刪除I've never had that kind of "interesting" experience, as some people told me I look like a cop ;-)
你似差人？！冇野呀嘛…
Lindberg :真係好鬼痹呀… 諗起都驚！
回覆刪除為食？算係咁啦。鬼叫自己都係做呢行咩！嘻…
哦, 你做食品架...?
Koko :
回覆刪除哦, 你做食品架...?
我開餐廳㗎！
係咪因為你係香港島人所以先會行錯呢?(因為如果我出香港島都會即變路痴~~)
回覆刪除mug 真係咁好食咩, 我由細食到大(以前未打通2個舖ga)都覺得係得個趕頭趕命...
回覆刪除白雪 :
回覆刪除係咪因為你係香港島人所以先會行錯呢?(因為如果我出香港島都會即變路痴~~)
妳都可以咁講嘅… 我未致於喺自己屋企都行錯路。起碼我唔會當廁所係睡房呀…
wanda :
回覆刪除mug 真係咁好食咩, 我由細食到大(以前未打通2個舖ga)都覺得係得個趕頭趕命...
都幾得意呀。耐唔耐食一次都幾好呀！
哈! 我上次行過唔知邊條街, D 男人眼望望我, 原來我個路癡行入了好多顏色光管地方, 嚇死我, 走都走唔切!
回覆刪除你係男人都好D 呀, 始終WINGWING 係女性嘛 !
wingwing :
回覆刪除哈! 我上次行過唔知邊條街, D 男人眼望望我, 原來我個路癡行入了好多顏色光管地方, 嚇死我, 走都走唔切!
你係男人都好D 呀, 始終WINGWING 係女性嘛 !
咁真係小心啲行好喎！
咳咳...原來你係正直不阿的人...失敬，失敬！
回覆刪除Todd :
回覆刪除咳咳...原來你係正直不阿的人...失敬，失敬！
咳咳… 大家咁話啦… 失敬，失敬！
Lindberg :
回覆刪除Todd :咳咳...原來你係正直不阿的人...失敬，失敬！
咳咳… 大家咁話啦… 失敬，失敬！
蛙哈哈! 令蛙想起一件事.....眼瞓都出文先!
井蛙 :
回覆刪除蛙哈哈! 令蛙想起一件事.....眼瞓都出文先!
又關我地事？！
Lindberg :
回覆刪除我開餐廳㗎！
哦~ 老世黎架!? 咁你都好勁!
Koko :
回覆刪除哦~ 老世黎架!? 咁你都好勁!
「開」係一個動詞。意思係我用人啲錢去開餐廳。勁過鬼！哈哈哈！
我都好喜歡去這間店食炒蛋架...不過係果度食都幾有壓力..食得慢都覺得唔好意思.
回覆刪除JO :
回覆刪除我都好喜歡去這間店食炒蛋架...不過係果度食都幾有壓力..食得慢都覺得唔好意思.
都真係有壓力㗎。不過我又唔見佢態度惡劣，慢慢食都唔會俾人鬧呱。
Lindberg :「開」係一個動詞。意思係我用人啲錢去開餐廳。勁過鬼！哈哈哈！
回覆刪除唔係好明, 即係...仲勁! 哇哈哈~~~
Koko :
回覆刪除唔係好明, 即係...仲勁! 哇哈哈~~~
傻㗎？！哈哈哈！