性感男月曆

前兩年，我地捐錢俾愛護動物協會，放阿威同阿妹張相落佢地個月曆到。舊年唔記做，尾企只有一個核核突突嘅可口可樂月曆。但係今年就勁啦，搵嚟一個性感男月曆！
個「性感男」咪又係 Jayson 囉。出浴喎，仲唔夠性感呀？

個月曆當然又係 iPhoto 作品，hypo.cc 的精美印刷。iPhoto 雖然彈性唔高，唔可以作出好多自由嘅改動。但呢個亦都正係 Apple iLife 嘅重點。簡單易用得嚟，又唔洗花好多時間，就可以做到一啲靚靚嘅野同人分享。

喺上個月月初，見 hypo 開始有得俾人印 iPhoto8 嘅月曆，就立即試一試。好彩做得快，聖誕前先收到。正好做 Jayson 嫲嫲同婆婆嘅聖誕禮物。月曆比想象中大，有10.4 x 13吋。一次過做咗三本，平均大約 HK$150 一本。

自己親手做，日日望住，感覺都唔同啲！再次非常感激 hypo 對香港同胞嘅支援！

之後係 hypo 嘅 blog 入面，見到有人對 hypo 月曆嘅負面批評。佢話：

「月曆只是用雷色輸出而已，品質非常差色階也不足，淺色或較明亮的部份還會過曝無法印出，況且雷射碳粉反光嚴重根本不適合壁掛…」

我都明白各人有各人嘅要求。無錯係有啲反光，顏色我都唔敢話冇問題（但可能出自自己身上），不過睇落就真係冇佢講到咁差囉。可能要睇你放乜上去啦。放 Jayson 仔上去，做阿爸阿媽見到，當然笑到見牙唔見眼，邊到仲睇到反唔反光呢？！相反，如果真係自制一啲俊男美女月曆，我就唔敢擔保一定滿意啦。「點解我深愛嘅長澤正美反光嘅（唔係走光…）！」嘻嘻…


~ Lindberg